बपारी ते खोता

एह् क्हानी इक आलसी गधे ते इक लून दे बपारी दी ऐ। इक बारी बपारी लून खरीदियै गधे दी पिट्ठै पर लद्देआ ते परतोंदे बेल्लै उ’नें इक नैह्‌र पार कीती। चानक, गधे दा पैर तलैटी गेआ ते ओह् नैहरै च डिग्गी पेआ; उट्ठियै बाह्‌र निकलने पर गधे दा भार घट्ट होई गेआ। एह् पता लग्गने पर, गधा हर बारी अपना भार घट्ट करने आस्तै नैहरै च डिग्गी पौंदा। बपारी गी गधे दी एह् चाल समझ आई गेई ते उन्नै इक दिन कपाह् खरीदी ते उसी गधे दी पिट्ठै पर लद्दी ओड़ेआ। गधा परतियै उ’यै परानी चाल चलदा ऐ, पर इस बारी ओह्‌दा भार बधी जंदा ऐ। एह् क्हानी असेंगी सखांदी ऐ जे आलसी दी खो पौना चंगी गल्ल नेईं ऐ।