ଠେକୁଆ ଓ ହାତୀ

ଏକଦା ଏକ ହ୍ରଦ ନିକଟରେ ପଲେ ହାତୀ ରହୁଥିଲେ । ମରୁଡ଼ି ଯୋଗୁଁ ହ୍ରଦଟି ଶୁଖିଗଲା । ହାତୀ ପାଣି ଖୋଜୁଖୋଜୁ ଏକ ନୂତନ ହ୍ରଦ ପାଇଲେ । ହ୍ରଦ ପାଖକୁ ଯିବା ଆସିବା ରାସ୍ତାରେ ପାଖରେ ରହୁଥିବା ଠେକୁଆମାନଙ୍କୁ ଅଜାଣତାରେ ଦଳିଚକୁଟି ପକାଇଲେ । ଠେକୁଆ ଏହି ସମସ୍ୟାର ସମାଧାନ ଚତୁରତାର ସହ କରିବାକୁ ସ୍ଥିର କଲେ । ଛୋଟ ଠେକୁଆଟିଏ ନିଜକୁ ଚନ୍ଦ୍ର ଦେବତାଙ୍କର ଦୂତ ବୋଲି ପରିଚୟ ଦେଇ ହାତୀ ରାଜାଙ୍କୁ କହିଲା ଯେ ଚନ୍ଦ୍ର ଦେବତା ହାତୀମାନଙ୍କ ଉପରେ ରାଗିଛନ୍ତି । ହାତୀ ରାଜା ଚନ୍ଦ୍ର ଦେବତାଙ୍କ କ୍ରୋଧକୁ ଭୟ କରି ସେହି ଅଞ୍ଚଳ ଛାଡିବାକୁ ରାଜି ହୋଇଗଲା । ଠେକୁଆ ନିଜ ବୁଦ୍ଧି ବଳରେ ହାତୀମାନଙ୍କୁ ତଡିବାରେ ସଫଳ ହେଲେ ଏବଂ ଶାନ୍ତିରେ ଜୀବନ ବିତାଇଲେ । କାହାଣୀର ନୀତି ଶିକ୍ଷା ହେଉଛି ଚତୁରତା ଦ୍ବାରା ବଳଶାଳୀକୁ ମଧ୍ୟ ଜିତା ଯାଇ ପାରେ ।