AIAO INMANANIKO DAKGIPA NA·TOK
The Fish who Worked a Miracle
Changsao, na•tok mangsa Bhodhisatwa pokkrio manggipin na•tok baksa dongachim. Songni sambao donggipa pokkri sal rakchangani gimin ran•krekaha. Bakbakan, ia a•selara chakchikna amgijani ong•aha. Uako nike, Bhodhisatwa namen duk man•chakaha aro gipin janggi gnanggiparangna aro mande jatnaba iandakgipa obostako bon•atchina ine mikkani miteo mol•molchakna mangsongaha. Skangonin Bhodhisatwa gisik sontol ong•ani gimin mikkani mite uni mol•molaniko knachakaha aro a•gilsakni pilak manderangni neng•nikaniko bon•atna ine mikka waatna a•bachengaha.
