MANGKRAM ARO KI·SING
The Scorpion and the Tortoise
Ia golpoara gaora de•gipa mangkram aro ki•singni gimin jean ripeng ong•achim. Salsao ki•sing uni dongchakgipa biapko wate sepangjolo donggipa buringona re•na mangsongaha. Mangkramba un' baksa re•pana mangsongaha. Buringona re•anggipa ramao, uamang chibimako batsotna nangachim. Unon ki•sing chiringko jrobatmitingo, an•tangni janggilo asonge re•china ine mangkramko aganaha. Rangsan, ki•sing janggiltango sa•dikako u•iaha. Mangkram an•tangni ki•meo biri gnanggipachi uko delna jotton ka•enga ine u•ie uko sing•aha. Indake dakaniara ki•singko dongtoatjaha, uni gimin janggiltangko siksake uko chibimaona ga•akonataha.
