वेपारी आनी गाढव
The Merchant and the Donkey
ही एका आळशी गाढव आनी मीठाच्या वेपाऱ्याची काणी. एकदां वेपाऱ्यान मीठ विकतें घेवन गाढवाच्या फाटीर लादलें. परत वतना तांणी एक व्हाळ हुंपलो. अचकीत गाढव निसरून व्हाळांत पडलो. व्हाळांतल्यान भायर सरतना गाढवाचो भार उणो जाल्लो. हें समजल्या उपरांत गाढव दर खेपे मुद्दम व्हाळांत पडून आपलो भार उणो करपाक लागता. ताची ही लबाडी कळटकीर वेपाऱ्यान कापूस विकतो घेतलो आनी गाढवाच्या फाटीर लादलो. परतून गाढव हीच युक्ती वापरता, पूण हे खेपे ताचो भार चड जड जाता. आळशेपण ही एक वायट गजाल हो हे काणयेचो बोध.
